دوبیتی گیلکی: می دوردیماکونَ نموجه!
جی: داوود خانی لنگرودی
یَـتَه دیل تو دَئـنی... دیل نه! پیلو˚سنگ
yetə del tu dani… del na! pelo sang
دَئـنی وَرزِه موسون دایم سَـرَ جنگ
dani varze moson dăyem sarə jang
هَـچی می دَوردیماکونَ نَـموجَـه
haĉi mi dordimăkonə namujæ
نَـدَئنَـه تی حنا می وَرجه دِ رنگ!
!nadanæ ti hană mi varjə de rang
دوبیتی گیلکی: بَگو چِه تَ نَشئنَه آغوش ئیتَن؟
جی: داوود خانی لنگرودی
بَگو چِه تَ نَشئنَه آغــــوش ئیتَن؟
bagu Će ta našanæ âqošaytn?
هیطو بی سرصدا و دل خـوش ئیتَن
hetu bi sarsâd vo del xošaytn
گـونی: روز-ئون، نبونه! دونم امّـــا
goni: ruzon nabuə! donam ammâ
شَئنه شب تاریکه، لب˚خاموش ئیتَن!
Šanæ šab târikǝ lab xâmošaytn!
(شلمان- 31/5/94)
دوبیتی گیلکی: می تَسکَ دِل
جی: داوود خانی لنگرودی
می تَسکَ دِل، غریبی مِئن بَگود گیر
mi taskǝ del, qaribi men bagod gir
نَگیته خاشِخا آخر می سَــــــرویـر
nagitə xâšaxâ âxar misarvir
غمَ دوری جی هر جا پــا بَئنَم مـو
qamǝ duri ji har jâ pâ banam mu
غریبی تیر بُومَه می قلبَ سَـر جیر
qaribi tir bumæ mi qalbǝ sar jir
خلیفه محله شلمان- تابستان 1373 خورشیدی
توضیح: "خاَشَخا" یا "خَشَخَه" که ورد زبان قدیمی های شلمان و خلیفه محله و مناطق زیادی از شرق گیلان نیز می بود و به فارسی، همان معشوق، نگار و دلبر می باشد- این واژه پرکاربرد- را متاسفانه حتی در کتاب ارزشمند " فرهنگ گیل و دیلم" زنده یاد محمود پاینده لنگرودی نیافته ام.
دوبیتی گیلکی: رَم˚ بَئودَه آهو
جی: داوود خانی لنگرودی
بومَه کم کم بَنیشَـته می دیلَ مِئن
bomæ kamkam baništæ mi dilǝ men
غمَ عالَم بَنیشَـته می دیلَ مِئن
qamǝ âlam baništæ mi dilǝ men
ندوئنم تو چی بی؟ رَم بَئودَه آهو!
nadonam to Ći bi? Ram boŵda âhu!
تی عِشقَ غم بَنیشَـته می دیلَ مِئن!
ti ešqə qam baništæ mi dilǝ men!
خلیفه محله شلمان- بهار 1373 خورشیدی
دوبیتی گیلکی هندوانه ی چاف ( چافَ هندواُنه)
جی: داوود خانی لنگرودی
تی لب: چافَ بَرَسِئه هِندوُانه
ti lab: Ćâfǝ barase hendavonæ
مِثَ سورخَ بولوش، تی دیم کولاُنه
mesa surxa bulušǝ,ti dim kulonæ
بخیلَ دوتّه چِشمون تَ بَتَرکَه
baxilǝ dotta Ćešmon tà batarkæ
خَئنی آتش گودَئن اِسپندَ داُنه
xani âtaš gudan espandǝ donæ
شَـلمان – هشتم آذر 1394
دوبیتی گیلکی: هَلِه ماه در نومابُو!
از: داوود خانی لنگرودی
بُومابُو شب، هَلِه ماه در نومابُو
bomăbu śab, halə mă dar nomăbu
نُومابی گب، هَلِه ماه در نومابُو
nomăbi gab, halə mă dar nomăbu
بُومِه گَب- یَاد دَرَه؟- وَختی بَـرَسیم،
bome gab- yæd dara?- vaxti barasin,
روخئونه لب، هَلِه ماه در نومابُو!
roxone lab, halə mă dar nomăbu!
( 94/9/4)
دانلود فتوکلیپ دوبیتی گیلکی تو خورشیدی با صدای شاعر
دوبیتی گیلکی: تو خورشیدی...
جی: داوود خانی لنگرودی
تو خورشیدی، مو تی سیارَه ایسَّم
تی دور و بر موجَم، طیارَه ایـسَّم
ایطو خوبَه!، خودا نئونَه بَــبی یه،
تو آتیش پاره، مو بیچـارَه ایسَّم!
