«دورأؤدَن می‌جی ته هف‌کو ‌و ‌دریا» داوود خانی‌خلیفه‌محله

فتوکلیپ«دورأؤدَن می‌جی ته هف‌کو ‌و ‌دریا» در وبگاه آپارات

از: داوود خانی‌خلیفه‌محله

کؤنم هرروز و شؤ خودْرَه ملامت

بشی پیدا نییه تی‌سرعلامت

دورأؤدَن می‌جی ته هف‌کو‌و‌دریا

ایسِه هرجا ببون تی‌سر سلامت!

3 شهریور 1399 خورشیدی

دوبیتی‌گیلکی:«نگوتی لأکوجؤن کی ته توراگود؟» داوود خانی‌خلیفه‌محله

دوبیتی‌گیلکی:«نگوتی لأکوجؤن کی ته توراگود؟» در وبگاه آپارات

شاعر: داوود خانی‌خلیفه‌محله

نگوتی لأکوجؤن کی ته توراگود؟

تی‌باله بیْته تی‌گوشه پوراگود؟

نیگا بؤدی مره، تأم‌بیْته بئسه

نگوتی کی تره می‌جی دوراگود؟

22 مرداد 1399 خورشیدی

 

 

دوبیتی گیلکی « بَشی امّا نَبی هرگی فراموش» از: داوود خانی‌خلیفه‌محله

فتوکلیپ« بَشی امّا نَبی هرگی فراموش» داوود خانی‌خلیفه‌محله  در اینستاگرام

ندونْسَم تاجَ‌ سر، خونَ جگر بی؟

لاکوی! نیمه‌شبون می‌اشکَ تر بی

بَشی امّا نَبی هرگی فراموش

تو هم خونَ جگر هم تاجَ‌ سر بی‌

بازسرایی 16 فروردین 1399 خورشیدی

دوبیتی گیلکی «غریبی‌تیر» ازداوود خانی‌خلیفه‌محله

فتوکلیپ دوبیتی گیلکی «غریبی‌تیر»داوود خانی‌خلیفه‌محله در وبگاه آپارات

می‌تَسکَ دِیل، غریبی‌مِئن بَگود گیر

نَگیته خاشِخا آخر می‌سَرویر

دوری‌غوصّه‌جی هرجا پا بَئنَم، باز

غریبی‌تیر بُومَه می‌قلبَ سَر جیر

خلیفه‌محله؛ تابستان 1373 خورشیدی

بازسرایی؛ 9 بهمن 1398 خورشیدی

دو دوبیتی گیلکی از داوود خانی‌خلیفه‌محله

 

فتوکلیپ دو دوبیتی گیلکی از داوود خانی‌خلیفه‌محله در وبگاه آپارات

بشیِ و تاسیونی اَنبسابو            

دیلَ مِئن سنگینابو غم ببو کو

بونه با این همه چوشم‌اینتظاری       

بی‌یِه بَیْنم تره هنده مو لاکو!

شلمان؛  19 دی‌ماه 1398 – داوود خانی‌خلیفه‌محله

می‌یاریْ‌جون بمونی بو که بشّو       

ریفاقَ جونَ‌جونی بو که بشّو

مِه‌بَه فانوس بأرین سیه‌شؤئنِه                  

پوره نورَ جوونی بو که بشّو

بازسُرایی؛ 19 دی‌ماه 1398 – داوود خانی‌خلیفه‌محله

دوبیتی گیلکی «پوره درم» از داوود خانی‌خلیفه‌محله

فتوکلیپ «پوره درم» از داوود خانی‌خلیفه‌محله در وبگاه آپارات گیلکان

پئیز‌وَلگ َ موسون می‌دیم بَبویْ  زرد                  

پوره دردم، پوره دردم، پوره درد

 پیرأبوم پیْ‌ببوردم می‌یأریْ‌جون                    

می دوشمنده، کوشنده، ایسَّه نامرد

شلمان؛ 18 آذر 1396 خورشیدی

دوبیتی گیلکی «لاکو!لاکو!» از داوود خانی خلیفه‌محله(لنگرودی)

دؤنَــم بالابولـندی لاکو!لاکو!

سیــآ گیسوکمندی لاکو!لاکو!

هِــسی اَفتؤدیم وُ مآپاره؛ امّـا

تو آخر می‌کوشَندی لاکو!لاکو!

شلمان؛ اول شهریور 98 – داوود خانی خلیفه‌محله(لنگرودی)

دوبیتی گیلکی“”یواشِیْ!“ از داوود خانی خلیفه‌محله (لنگرودی)

فتوکلیپ دوبیتی گیلکی ”یـواشیْ!“ از داوود خانی خلیفه‌محله در آپارات گیلکان

اُهُـی سرگالشِـیْ! کــوهؤن زِئنی نِـیْ

بوزَه‌را مِئن، گوسَــندؤنَه دَرَی هِـــیْ

دَرِه مِـئن، وَرگ ایسأیْ دُندؤن‌بَسؤسَه

یَــواشیْ! اُی یـواشیْ! اُی یـــواشیْ!

داوود خانی خلیفه‌محله- 16دی 1396 خورش

برگردان واژگان:

سرگالش: سرچوپان/ بوزَه را: بُزرو. باریک راه/ گوسَنداُن: گوسفندان

وَرگ: گرگ/ دُنداُن بَسؤسَه: دندان ساییده

 

دوبیتی گیلکی پسانوگرا: "زئنه شلاق وارؤن خشت̌ پوردَه"

دوبیتی گیلکی پسانوگرا زئنه شلاق وارؤن خشت̌ پوردَه در وبگاه آپارات

دوبیتی گیلکی پسانوگرا

از: داوود خانی خلیفه‌محله (لنگرودی)

**

زئنه شلاق وارؤن خشت̌ پوردَه

خیابؤن

             خیس‌و‌فانوسؤن دموردَه

دوتَه عاشق

                 یَتـه چتره دَس‌ئـیْـته...

شبأبؤیْ

            لنگروده خؤ ببوردَه

شلمان- بیست‌و‌سوم اردیبهشت نود‌وهشت

دوبیتی گیلکی"لاکولا!کولاکو!... " از داوود خانی خلیفه‌محله (لنگرودی)

فتوکلیپ دوبیتی گیلکی لاکولا!کولاکو!... در وبگاه آپارات

از: داوود خانی خلیفه‌محله  

بشؤم

        مغریب بو

                        کوملِه پَـرَشکو

شبأبو،

        کو به‌جئور 

                        مآ دربؤمابو

می‌دیل تنگؤمأبو

                        تی‌ایسمه بأردم،

بدئم اؤجا دِئنه کو، لاکولاکو!...

(شلمان؛ 17 اردیبهشت 1398 خورشیدی )