لنگورد̌ گیلکی‌شِئرخؤنی شاعرؤن، ارشاد̌ ایسلامی سالؤن̌ مِئن
"وارؤن̌ پامَقَر" نیشست "خورشید گیل و دیلم" ̌ مؤسیسه و "آوای غزل" ̌ اینتشارات̌ یاوری و ایلجار̌ همره، شنبّه بأزه‌نهأر -هیفده روز بؤشؤ آذر مآ 97 -، لنگورد̌ ارشاد̌ ایسلامی سالؤن̌ مِئن که سوزن‌‌گأبنِئنه جام نبو وُ یاد̌ چأرته آسمؤنی لنگورد̌ شاعیر: محمود پاینده، محمد دریایی، ابراهیم شکیبایی و شهدی لنگرودی، برگوزار بَبو و ای نیشست̌ دؤرین، اَمِه اوستاد کریم رجب‌زاده چَن‌ته از خُ خؤجیرپألوی‌گیلکی‌ئنه بخوندَس و بأدأن، احمد خویشتن‌دار، بهروز پورجعفر، محمد شادرام، الهام خوان‌یغما، فرامرز محمدی‌پور و داوود خانی خوشونَه گیلکی‌شِئرؤنه بخؤندن.
سیدحسین سجادی‌ئِن بوما تریبون̌ پوشت و محمود پاینده، محمد دریایی، ابراهیم شکیبایی و شهدی لنگرودی جی چن ته گیلکی‌شئرؤنه خُ خؤجیرصدا اَمره بخونَس.
اوستاد شمس لنگرود‌ئِن که ای مراسیم̌ مِئن حضور دأشت، یِسکالِه گیلکی صحبت بگود و بأدأن چنَ ته فارسی‌شئر بخوند و ای میئن، علی‌اصغر رجبی شلمانی، خوشونَه گروه همره، دو گَرَش، گیلکی‌موسیقی ایجرا بَئودن.
ای آیین̌ مئن، دوکتور بهرام علیزاده ئَن، شرق ̌گیلؤن گیلکی‌شاعرؤن̌ شئرگو جایگآ جی گب‌بزأ.
بَنویشته‌کَس: داوود خانی خلیفه‌محله
